Aupepanorama va 360° iisüge

Das erscht Mau en SS- Tür mit emene Türoleiter zga isch fer mich schpezieu gsi, und ich häses gnosse so flott üfgnu wärde.

Aes isch immer wieder schön, in die üfwachend Natür iztöiche, verbi an knorrige Tanne, Lärche und das wunderschön Gebiet vam Gspon entlang dem Wyssgrat. Aes isch doch nit numme em Goms schön!

Das knirsche vam Schnee zkehre und stünent zlüege und feschthaute, mit em Härz, und anneri mit em Fotoapparat. En güeta Jngwertee wa mer d› Läbensgeischter wieder gweckt heint und ghoufe heint witter zlöife. Danke!

Bim Gipfuchritz acho, gratuliere,gschpiere und das Aupepanorama va 360° iisüge. En güet temperirta Wii ,Chäs und Brot heint alli gnosse.

Bim Abstieg mit Brigitt nu gat em paar äxtra Schlöife zieh und eis oder zannera neier kenne zlehre. Schön gsi!

Danke alle, fer der schön Tag und die Begägnige, chumme wieder weni darf.

Rosmarie